ကျားသစ်တစ်ကောင် တွေ့မြင်ရသည်ဆိုသော ကောလာဟလများကြောင့် အိန္ဒိယတွင် ကျောင်းများပိတ်ထား

ဖေဖော်ဝါရီ ၇ ရက်က ကျောင်းထဲ ဝင်ရောက်လာသည့် ကျားသစ်ကို လိုက်လံဖမ်းဆီးနေစဉ်။

ကျားသစ်တစ်ကောင် လှုပ်ရှားသွားလာနေကြောင်း ကောလာဟလများကြောင့် အိန္ဒိယနိုင်ငံ၊ ဘင်ဂါလောပြည်နယ်တွင် ကျောင်းများ ရာနှင့်ချီ ပိတ်ထားလိုက်ကြောင်း သိရသည်။

ပြီးခဲ့သည့် သီတင်းပတ်ကုန်က ဘင်ဂါလောရှိ ကျောင်းတစ်ကျောင်းထဲ မျက်စိလည်ဝင်ရောက်လာသည့် ကျားသစ်တစ်ကောင်ကို ၁၀ နာရီကျော် ဝိုင်းဝန်းပိတ်ဆို့ ဖမ်းဆီးခဲ့ရပြီး လူပေါင်း ၆ ဦးမျှ ဒဏ်ရာများ ရရှိခဲ့သည်။ ယခုတစ်ဖန် ကျားသစ်တစ်ကောင် သွားလာနေကြောင်း သတင်းများကြောင့် ကျောင်းများတွင် စိုးရိမ်ထိတ်လန့်မှုများ ပေါ်ပေါက်လာခြင်း ဖြစ်သည်။

ဖေဖော်ဝါရီ ၇ ရက်က နိုင်ငံတကာကျောင်းတစ်ကျောင်းတွင် ဝင်ရောက်နေသည့် ကျားသစ်ကို သစ်တောအာဏာပိုင်များနှင့် စေတနာ့ဝန်ထမ်းများ ပူးပေါင်းဖမ်းဆီးကာ တောထဲပြန်လွှတ်ပေးခဲ့ရသည်။ အဆိုပါ ၁၀ နာရီကြာ စွန့်စားခန်းတွင် ကျားသစ် ကုတ်ခြစ်ခြင်းကြောင့် လူ ၆ ဦး အနည်းငယ်စီ ဒဏ်ရာများ ရခဲ့ကြခြင်း ဖြစ်သည်။

ဖေဖော်ဝါရီ ၁၁ ရက်တွင်မူ အာဏာပိုင်များက အစိုးရကျောင်း ၅၃ ကျောင်း အပါအဝင် ပြည်နယ်ထဲရှိ ကျောင်းပေါင်း ၁၂၉ ကျောင်းကို ပိတ်ထားရန် ညွှန်ကြားချက်ထုတ်ပြန်ခဲ့သည်။ မြို့နှင့် အနီးတဝိုက်တွင် ကျားသစ်တစ်ကောင် သွားလာနေသည်ဆိုသော သတင်းနှင့် ပတ်သက်၍မူ တိတိကျကျ အတည်ပြုရန် ခက်ခဲနေဆဲဟု ဆိုသည်။

မကြာသေးမီက ကောက်ခံထားသည့် စစ်တမ်းအရ အိန္ဒိယတောနက်များထဲတွင် ကျက်စားသွားလာနေသည့် ကျားသစ်အရေအတွက် ၁၂၀၀၀ မှ ၁၄၀၀၀ ကြား ရှိနေကြောင်း သိရှိရသည်။