လမ်းမခွဲခင် ကိုယ့်ကိုယ်ကိုပြန်မေးရမယ့် မေးခွန်းများ
ချစ်သူနှစ်ယောက်ကြားမှာ အချစ်တွေ ချစ်စရာ ကုန်ခမ်းသွားတဲ့အခါမျိုး၊ ဆက်ပြီး မချစ်ချင်လောက်အောင် စိတ်ပျက်စေတဲ့ အကြောင်းအရာမျိုး တကယ်တမ်း ရင်ဆိုင်လာရရင်တောင် ကိုယ်က ချန်ထားရစ်မယ့်သူဆိုရင် တစ်ဖက်သားကို လူသားချင်း စာနာမှုအနေနဲ့ တရားမျှတဖို့ လိုပါတယ်။ ဒီတော့ လမ်းမခွဲခင်မှာ ကိုယ့်ကိုယ်ကို အောက်ပါမေးခွန်းလေးတွေ ပြန်မေးကြဖို့ Shwemom က တိုက်တွန်းချင်ပါတယ်။
(၁) လမ်းခွဲဖို့ အကြောင်းပြချက် ခိုင်လုံရဲ့လား … ?
လမ်းခွဲဖို့ အကြောင်းပြချက်တွေ များစွာ ရှိပါလိ့မ်မယ်။ အခြေအနေပေါ်မူတည်ပြီး ဖြစ်တာမို့ တရားသေတော့ သတ်
မှတ်ထားခြင်း မရှိပါ။ ဒါပေမယ့် ကိုယ့်စိတ်ထဲမှာ စွဲမြဲနေတဲ့ အကြောင်းအရာဟာ လမ်းခွဲဖို့လောက်အထိ လိုအပ်သလား၊ တစ်ချို့တွေက သာမာန်အကြောင်းပြချက်လေးနဲ့ ခပ်ပေါပေါ လမ်းခွဲလိုက်တာမျိုး ရှိတတ်ပါတယ်။ ဥပမာ ရုပ်ရှင်လိုက်မပြလို့-ဆိုတဲ့ အကြောင်းပြချက်မျိုးပေါ့။ ဒီလို သိပ်ကို ယုတ္ထိမဲ့လွန်းတဲ့ အကြောင်းပြချက်မျိုး မဖြစ်ဖို့ လိုပါတယ်။ လူမှုရေးအရ ဖောက်ပြန်လို့ ဆိုရင်တောင် သင့်မှာ သက်သေခိုင်လုံရဲ့လား … သံသယစိတ်ရှိရုံသက်သက်လား … တစ်ယောက်ယောက်က တို့မီးရှို့မီးလုပ်တာလားဆိုတာ ပညာနဲ့ ခွဲခြားဖို့ လိုပါတယ်။
(၂) နောက်တစ်ယောက် ရှာချင်လို့လား … ?
နောက်တစ်ယောက်ပြောင်းချင်လို့ ဂွင်ဆင်ပြီး အပြစ်ရှာတာမိတာလား-ဆိုပြီး ကိုယ့်ကိုယ်ကို ပြန်မေးပါ။ သိက္ခာရှိရှိ ဖြေပါ။ လိပ်ပြာသန့်သန့် လမ်းခွဲပါ။ ကိုယ့်ဘက်က မတရားတဲ့နည်းလမ်းနဲ့ လူတစ်ယောက်ကို အရှုံးတွေ ပေးမထားခဲ့ပါနဲ့။ သင့်လို အချစ်ကို အလွဲသုံးစားလုပ်တတ်သူတစ်ယောက်အတွက် စစ်မှန်တဲ့အချစ်တစ်ခု ရမယ်ထင်နေသလား … ? စကားပုံ ရှိပါတယ်။ အိုးရွဲ့ဟာ စလောင်းအပဲ့နဲ့ပဲ တန်တယ်-တဲ့။
No comments